Do la publicaziun de cater libri da stories l'ann 2006, à la Uniun di Ladins ponsè da dè fora chëstes stories inće sön CD, olache ares vëgn cuntades y acompagnades da musighes y da de vigni sort de sonns. Les usc é gnüdes registrades da Hubert Pezzei y spo sonorisades da Alessandro Trebo. Les stories é beles da ascuté sides por i mituns co inće por i gragn; ares cunta dla vita da zacan y dl monn da paur de nosta valada. I motifs musicai, i versc di tiers y d'atri sonns ch'an alda iadedô descëda l'imaginaziun y la fantasia.
Le lingaz rich de espresciuns tëgn vi nosc patrimone linguistich y dëida i mituns da le surantó a da le dè inant. Indöt vëgnel cuntè set stories che döra vignöna da 12 a 20 menüć; indöt à les CDs na dorada de 52 y 42 menüć. Ascutan chëstes stories deboriada cun i mituns, y forsc ti don inće val' spligaziun, tignunse impé la cultura dl cuntè stories. Les stories aldides da pici é na bela recordanza por döta la vita.
Ann de publicaziun 2009
Parores de auturs desvalis
4 Libri pur ladin
Prisc 30.00€