Tl 2011 à la Uniun di Ladins dla Val Badia dè fora le pröm liber "Ćiantè ladin", na racoiüda importanta de ćianties ladines a 3 y 4 usc por cors d'ëi y d'ëres y por cors moscedà, realisada da n comitê d'esperć metü adöm da André Comploi, Bruno Rives, Iarone Chizzali y Tone Gasser.
Tl 2013 à le medémo comitê d'esperć sön inćiaria dla Uniun arjigné ca le liber "Ćiantè ladin en compagnia", na racoiüda de ćianties a öna y döes usc. Cun chësc ultimo liber oress la Uniun porvè da trà sö danü le ćiantè en compagnia che é jü sot cotan ti ultimi dezenns. Al é n liber da ćianties ch'an po tó ca te scora, t'ostaria, sön munt y te zacotan de ocajiuns dla vita da vignidé, por ćiantè y s'la dè buna en compagnia. Indöt ciàfon laìte 175 ćianties ladines, cun les notes y i acorg por n stromënt, che passenëia bun te ocajiuns de vigni sort. Le liber impaginé da Stephan Ploner é gnü arichì graficamënter cun de beles pitöres de Lois Irsara de Jan.
Ann de publicaziun 2013
Parores de auturs desvalis
Dessëgns de Lois Irsara
440 Plates cun 175 ćianties ladines
Lingaz: ladin
Prisc 20,00€