La religiun y le cianté á tres albü na certa importanza tla vita di ladins dla Val Badia. Sc’an conscidra la storia dl cianté por ladin te nosc raiun él interessant che le numer de cianties religioses originales ladines é limité, dantadöt le numer de cianties plü vedles. Tl 19ejim secul esistîl porater la tradiziun di Kirchensinger, al gnô cianté por todësch, le popul ciantâ ince talian, mo feter nia ladin - ci ch’an ne pó nia dí dl cianté defora de dlijia. Insciö á la maiú pert dles cianties originales de chësta racoiüda na eté bindebo jona. Da alzé fora él chiló le duo creatif-produtif Tone Gasser y Iarone Chizzali che á porté pro al plü gran numer de tesć/melodies dl liber. Dötadöm él gnü ciaré da arjigné n fundus ampl de cianties tl lingaz dla uma: sides cun perts dl ordinarium dla mëssa, sides cun cianties por le santú y d’atres perts dla liturgia o ocajiuns sacrales.
Cun: 25 auturs y 18 componisć ladins, passa 80 melodies originales ladines y n gran numer de armonisaziuns y adataziuns fates da componisć ladins.
Ann de publicaziun 2019
Auturs/a cura de: Iarone Chizzali, André Comploi, Tone gasser, Bruno Rives
372 Plates
Lingaz: ladin
Prisc 60.00€