IMG_4595.jpg
WhatsApp Image 2019-03-28 at 16.49.04.jpeg
DSC_0267.jpg
03114@ freddy planinschek.jpg
IMG_4595.jpg

Reuniun generala 2019


SCROLL DOWN

Reuniun generala 2019


Sentada generala

L’Uniun di Ladins dla Val Badia, che laora da tröc agn cun ligrëza y impëgn por renforzé la cultura ladina y porta inant n program rich de publicaziuns y manifestaziuns, don insciö n contribut important al monn cultural ladin, inviëia dër bel con so presidënt Michael Moling, con la vizepresidënta Cristina De Grandi y con i aconsiadus Elmar Burchia, Samuel Clara, Natalie Dalponte, Christian Ferdigg, Timo Craffonara, René Pescoll, Florian Tavella, Alexis Bassetto, Florian Barbolini y Giuliana Clara ala sentada generala.

Te chësta ocajun gnarál fat la relaziun dl’ativité, al gnará mostré sö ci che al é gnü fat te n ann de ativité y al gnará presenté le program 2019. Vignun di partezipanc ala sentada á la poscibilité da porté dant idees y minunghes.

Duc canc é dër bel inviá da tó pert y da sté empü adöm dedô spo in compagnia.

 

Le consëi atual:

Michael Moling (presidënt)
Cristina De Grandi (vizepresidënta)
Elmar Burchia
Samuel Clara
Natalie Dalponte
Cristina De Grandi
René Pescoll
Florian Tavella
Florian Barbolini
Alexis Bassetto
Timo Craffonara
Christian Ferdigg

 
WhatsApp Image 2019-03-28 at 16.49.04.jpeg

Presentaziun Picio Nicio


Presentaziun Picio Nicio


Gran ligrëza cun ”Pice Nicio”

Tla Ciasa di Pici a San Martin él gnü presenté le bel liber por mituns da 0 a 6 agn, dé fora dala Uniun Ladins Val Badia, en colaboraziun cun l’Istitut Ladin Micurá de Rü.

Che al sides i bi dessëgns da corusc realisá da Barbara Rottonara, i tesć en rima metüs jö da Silvia Liotto, o la bela iesta grafica a forma de ü: le liber por mituns ”Pice Nicio” é na belijia che arichësc de n toch implü la biblioteca ladina, curin ince na locia por i plü pici, él pö ót ai mëndri da 0 a 6 agn. Le liber é gnü dé fora dala Uniun Ladins Val Badia, cun la colaboraziun dl Istitut Ladin ”Micurá de Rü” y é gnü presenté por le pröm iade en mertesc ai 26 de merz domisdé, tla Ciasa di Pici a San Martin de Tor. Por l’ocajiun êl n gröm de mitans y mituns che busiâ y rabî, acompagná da sü geniturs. Sön le contignü dl liber n’orunse sambëgn nia revelé demassa, sce nia che ara nen vá dla storia dl lou - dl cunicio da Pasca, che al vëgn dant n re ghel dër particolar y ince üs da pasca cun les iames. I mëndri cun sü geniturs podará descurí de vigni sort de morvëies y ince details da corú.
Pro la presentaziun a San Martin á i mëndri ciafé na cercia dl contignü, lapró él gnü pastelné impara de bi cunici da Pasca y le lou é ince stort pro, tratan che i geniturs á podü ciafé valgünes informaziuns sön le fin pedagogich che stá doía. Le liber ciafon da cumpré pro la Uniun di Ladins o tl Istitut Ladin a San Martin.

(Articul: Pablo - La Usc di Ladins)

Le liber é gnü presenté te döes ocajiuns:
en mertesc ai 26 de merz dales 16:00 tla Ciasa di Pici a San Martin de Tor
en mertesc ai 28 de merz dales 16:00 tla Ciasa di Pici a Badia

Sorvisc de Trail sura la presentaziun

 
DSC_0267.jpg

Matineé culturala 2019


Matineé culturala 2019


Matineé culturala

En Lönesc de Pasca él gnü metü a a jí la matinée culturala a San Martin de Tor, na manifestaziun che á porté adalerch tröpa jënt y é sté n momënt de aurela cörta por la jënt dla Val Badia. En chësta ota é la manifestaziun gnüda abelida dala musiga de Max Castlunger, che á presenté süa CD nöia dl grup “JEMM”. 

03114@ freddy planinschek.jpg

Presentaziun "Un capitolo di storia del turismo in Alta Badia"


Presentaziun "Un capitolo di storia del turismo in Alta Badia"


N liber de vita 

Renata Kostner Pizzinini á presenté sü recorc pian ia dala storia dl alpinism, turism y de familia tl’alta Val Badia. Le liber é dé fora dala Uniun di Ladins Val Badia tles verjiuns taliana (originala) y todëscia (traduziun de Karin Pizzinini) 

A onoré l’ostira Renata Kostner Pizzinini en gaujiun dla sëra de presentaziun a La Ila él sté süa familia, i ostis badioc y i colaboradus dla publicaziun nöia, danfora Werner Pescosta che á coordiné la publicaziun y á daidé pro cun deplü capitui söla storia di paisc badioc, dl turism y sport, y di Ladins. »Zënza l’aiüt profescional de Werner Pescosta ne foss chësc liber nia dan man incö«, á dit Renata Kostner Pizzinini. So gran mirit: l’iniziativa y le coraje da dé fora n liber sön süa storia y vita, y dantadöt sü pinsiers de iadi y dla natöra sciöche ince na morona de fotografies di iadi desfirá fora por le monn, fotografies che á na valüta de documentaziun en pert ince antropologica y culturala. 

660 plates 

La cuantité por chëstes stories de vita y por la storia cuntada te dötes sües facëttes ne cunta pordërt nia, ma che te chësc ejëmpl publizistich é les fotografies stampades le resultat de na cerna fata cun lezitënza y profescionalité: dai milesc de retrac che Renata Kostner Pizzinini á fat fora por le monn él gnü chirí fora i plü significatifs por post y cultures, por porsones y avenimënc. Ai cunta feter dagnora deplü co parores, ai é momënc tignis chic da n aparat acort. Le iade plü important por chësc album di diari de Renata Kostner Pizzinini n’é nia nia demez da süa tera ladina, al é le iade che Renata á orü fá dlvers de süa storia, dlvers dla storia de süa familia y de so paisc. Chiló él da ciafé capitui söles prömes ativités alpinistiches y sportives tles Dolomites y sön la personalité de Franz Kostner, comandant dl bataliun »Enneberg« tla Pröma Vera. Calfosch, le paisc 

nadé de Renata, é indicatif por la nasciüda y le prozes dl turism sciöche un di pröms pici paisc a pe dl massif dl Sela. Por fortüna á le paisc por mirit de jënt inteletuala y apascionada de cultura y ert, ince podü tigní sö n patrimone artistich de valüta (Tita Alton, Alfred Roller...). Renata Kostner Pizzinini á respognü a süa vocaziun da apascionada de storia, cultura y ert, y á instëssa coiü adöm te süa vita laurs de artisć ladins y ince talians de fama internazionala. 

La vita, na sort de odissea 

Renata Kostner Pizzinini mëss avëi la vita tl sanch, zënza n’éssera nia albü döta chë coriosité y gola da ciapé fora dal monn a Calfosch. A Calfosch rovâl adalerch jënt da döt le monn, ara alimentâ la gola tla jona y ëra da Calfosch. Renata á tres cherdü a sü soms, dij dötaurela che somié é realté, sce te te das da fá! Zënza n edl corius y critich ne vára nia da analisé, ciarcé, lité y se entusiasmé. Vigni iade che an fej fora por le monn, anfat olá, é crëie te chë liberté che an á por somié. Te vigni iade che Renata y so om Pepele á fat fora por le monn ési chersciüs y á podü cöie impresciuns che i á arichis. Y ai é tres ciamó söl iade, n iade che ai á orü sëgn ti capitui passá partí cun nos, te chësc liber garaté. 

Iaco Rigo (La Usc di Ladins)

Sorvisc de Trail sura la presentaziun