Te Südtirol él sides la comunité taliana co chëra todëscia che à libri y sföisc a desposiziun por podëi s’arjigné cà indortöra ai sacramënć. Deache al manćiâ dötaorela ćiamò de te’ libri y sföisc por ladin, à la Uniun di Ladins dla Val Badia intratan arjigné cà na mapa por arjigné i mituns al sacramënt dla confermaziun. La mapa é partida sö te döes perts, la pröma resservada ai mituns, cun dessëgns, domandes y lercs da podëi scrì y dessigné, la secunda por i geniturs o chi che arjigna cà i mituns al sacramënt, che ô renforzè ći che é gnü scomencè tl bato.
I mituns y les mitans che va ala confermaziun dess gnì condüć a tó bel plan instësc dezijiuns y a surantó responsabilité. La preparaziun dess portè a na presënza plü via de Gejù te nüsc jogn, ara dess i daidé da avëi na fede plü sigüda, na speranza plü confidënta y n amur plü generus, deache inće nüsc pici jogn é cherdà, y porchël dessi gnì daidà da vire da cristians y da colaurè por n miù monn. La mapa é gnüda arjignada cà da Tone Gasser y siur Iaco Ploner sön la basa ti tesć taliagn y todësc y cun dessëgns y composiziuns de Lili Cristofolini d’Al Plan.
Ann de publicaziun 2010
Parores de Tone Gasser
Dessëgns de Lili Cristofolini
122 Plates
Lingaz: ladin
Prisc 20,00€