La Uniun Ladins Val Badia á cherié placac cun figöres y inoms por ladin dles 25 massaries plü adorades te valgügn mistiers artejanai.

”Chiló adorí n Bohrer! Me passeste prëibel ince la Stichsäge y le Schraubenzieher? Spo toli pa la Staflei, ch’i n’arjunji nia sö”. Te chëstes frases inventades ciafunse ma n valgügn ejëmpli de massaries artejanales, olache al vëgn tut ca ion y gonot les parores todësces, ince sce al foss danman l’inom por ladin; pro d’atres massaries mancel indere ciamó l’inom ladin y al vá debojëgn da le cherié. La Uniun Ladins Val Badia - ULVB á fat n vare por sensibilisé de chësc vers y adoré deplü nosc lingaz ince tl artejanat. Insciö án tut ca cater mistiers y á lascé fá por vignun n gran placat cun lassura les 25 massaries plü adorades y l’inom por ladin.

Articul dla Usc di Ladins